إدارة المخزون للمتجر الأونلاين: المتاح والمحجوز والفعلي والمرتجع

المشكلة مع رقم المخزون الواحد

لو بتنقّص المخزون وقت الشحن بس، الأوردرات اللي دخلت ولسه ماتشحنتش مش محسوبة — فبتبيع نفس القطعة لأكتر من عميل. ولو بتنقّص وقت دخول الأوردر، كل أوردر بيتلغي لازم يرجع يدوي، وأي غلطة بتعمل فرق بين الرقم والرف.

كل مرحلة ليها رقم

الحل إنك تتابع أكتر من مستوى للمخزون، كل واحد بيتحرك في لحظة مختلفة. ده مثلًا تقسيم وي سيل:

«المتاح» هو اللي تبيع بيه وتعرضه في المتجر. «الفعلي» هو اللي المفروض تلاقيه على الرف لو عملت جرد. والفرق بين الاتنين هو الأوردرات اللي في الطريق.

المرتجع: أكتر مكان بيضيع فيه المخزون

• الشحنة بتتسجل «مرتجع» عند شركة الشحن قبل ما توصل المخزن بأيام.
• لو رجّعتها للمخزون المتاح وقتها، هتبيعها وهي لسه مش عندك.
• لو مسجلتش استلامها لما توصل، هتفضل ناقصة على الورق وهي على الرف.

عشان كده لازم يكون فيه خطوة استلام مرتجع صريحة في المخزن: القطعة تتفحص، السليمة ترجع للمخزون، والتالفة تتسجل هالك. وقارن المرتجع المستلم بكشف شركة الشحن — التفاصيل في تسوية حساب شركة الشحن.

المنتجات بالمقاسات والألوان

لو بتبيع منتج بمقاسات أو ألوان، كل اختيار (Variation) لازم يكون ليه SKU ومخزون لوحده. «تيشيرت أسود» مش منتج واحد — «أسود L» و«أسود XL» قطعتين مختلفتين على الرف.

الجرد والتسويات

• اعمل جرد دوري على الأصناف الأكتر حركة، وقارنه بالمخزون الفعلي.
• أي تعديل يدوي يتسجل بسببه واسم اللي عمله — «تعديل» من غير سبب بيخبي مشاكل.
• الأوردرات اللي دخلت والصنف خلصان تتحط في انتظار المخزون بدل ما تتلغي أو تتأكد غلط.

المخزون في وي سيل

وي سيل بيتابع أربع مستويات مخزون منفصلة بتتحرك أوتوماتيك مع حالة الأوردر، وكل حركة متسجلة بتاريخها، ومعاها تعديل وجرد، وطلبات في انتظار المخزون، واستلام المرتجعات — ولو بتشتغل بأكتر من مخزن، كل مخزن ليه أرقامه.

أسئلة شائعة

اقرا كمان