ربط المتجر بـChatGPT و Claude (MCP) — إدارة الطلبات بالذكاء الاصطناعي

اسأله بالعربي — وهو يجيب الرقم من حسابك

المساعد بيقرا من وي سيل لحظة ما تسأل، فالرقم هو نفس الرقم اللي في الحساب دلوقتي — مش شيت اتصدّر امبارح. وتقدر تكمّل بسؤال تاني على نفس الإجابة: «طب والمرتجع ده كان مع أنهي شركة؟».

تسأله	اللي بيعمله
«عملنا كام أوردر الأسبوع ده؟ واتسلّم منهم كام ورجع كام؟»	بيجيب عدد الأوردرات والإيراد والمتسلّم والمرتجع للفترة، ويقسّمها يوم بيوم لو طلبت.
«إحنا بنخسر الأوردرات فين؟»	بيعرض مسار الأوردر: اتستلم، اتأكد، اتشحن، اتسلّم — ونسبة كل خطوة، والأوردرات بتقع فين (مفيش رد، اتلغى، رجع).
«أنهي شركة شحن بتسلّم أحسن الشهر ده؟»	بيقارن شركات الشحن بنسبة التسليم والمرتجع من الأوردرات اللي خلصت فعلًا.
«كام فلوس لسه عند شركات الشحن؟»	بيجيب اللي مع كل شركة شحن دلوقتي والمفروض تحصّله، واللي اتسوّى (المحصّل، وتكلفة الشحن، والصافي).
«مين أحسن موظفة تأكيد الشهر ده؟ وهدى عملت إيه امبارح؟»	بيقارن الموظفين بعدد الأوردرات والتأكيد ومفيش رد والإلغاء ونسبة التسليم، ويفتح يوم موظف معيّن بالترتيب.
«أنهي حملة جابت أوردرات بتتسلّم فعلًا؟»	بيقسّم الأوردرات حسب مصدر الإعلان (UTM) ونسبة تسليمها — للأوردرات اللي جاية من شوبيفاي وإيزي أوردرز.
«إيه المنتجات اللي قرّبت تخلص؟ وإيه الأكتر مبيعًا؟»	بيجيب المنتجات اللي وصلت لحد المخزون الأدنى عندك، والأكتر مبيعًا بالكمية في الفترة.
«الشحنة رقم … فين؟» · «العميل ده استلم قبل كده؟»	بيلاقي الأوردر برقم الشحنة، ويجيب تاريخ العميل برقم موبايله: استلم كام مرة ورفض كام.

واطلب منه يشتغل

لو اديته صلاحية التعديل أو التأكيد، المساعد بيعمل المهمة نفسها مش بس يقولك تعملها إزاي. المهام اللي بتغيّر حاجات كتير مرة واحدة بتبدأ بمعاينة تشوف فيها اللي هيحصل قبل ما يحصل.

تطلب منه	اللي بيعمله
«سارة أجازة النهاردة، وزّع أوردراتها المفتوحة على منى وهدى.»	بيعرض الأول كام أوردر هيتنقل من مين لمين، وبعد موافقتك يوزّعهم بالدور من الأقدم. الأوردرات المتأكدة مابتتنقلش.
«خلّي الأوردرات الجديدة تروح لمنى وهدى بس.»	بيلاقي قاعدة التوزيع اللي شغالة فعلًا، ويقولك الموظفين قبل وبعد، وبعد موافقتك يعدّلها.
«أكّد الأوردرات اللي العميل أكدها على واتساب.»	بيدوّر على الأوردرات اللي ردها على واتساب «متأكد»، ويعمل معاينة: هيتأكد كام، وإيه اللي هيتخطّى وليه — وبعدين يأكد لما توافق.
«صحّح عنوان أوردر 10234: المعادي، شارع 9.»	بيطابق اسم المحافظة والمنطقة على قايمة المناطق في وي سيل مهما كانت مكتوبة، ويعدّل الأوردر.
«أجّل أوردر 10240 يومين، العميل مسافر.»	بيغيّر الحالة لـ«مؤجل» بعدد الأيام، والسبب بيتسجّل في سجل الأوردر.
«سجّل على أوردر 10251 إن العميل عايز التوصيل بعد العصر.»	بيكتب تعليق على الأوردر للفريق.
«اعمل أوردر لأحمد، 01xxxxxxxxx، مدينة نصر، قطعتين من الشنطة السودا، دفع عند الاستلام.»	بيدوّر على المنتج، ويحوّل العنوان، ويعمل الأوردر — ويسألك الأوردر لأنهي بائع لو عندك أكتر من واحد.

مثال محادثةانت: «سارة أجازة النهاردة، وزّع أوردراتها المفتوحة على منى وهدى.»
المساعد: «سارة ماسكة 38 أوردر مفتوح (مستني تأكيد، مفيش رد، مؤجل). لو اتوزعوا بالدور من الأقدم: منى 19 وهدى 19، والأوردرات اللي سارة أكدتها هتفضل معاها. أكمّل؟»
انت: «أيوة.»
المساعد: «اتنقلوا الـ38. ولو عايز الأوردرات الجديدة كمان ماتروحش لسارة النهاردة، أعدّل قاعدة التوزيع؟»
الأرقام للتوضيح.

ليه ده أقوى من تقرير أو شيت

من غير تصدير ولا شيتات: سؤال واحد بيجمع أكتر من تقرير — الأوردرات، والشحن، والفلوس، والفريق — في إجابة واحدة.
أرقام لحظية: المساعد بيقرا من حسابك وقت السؤال، مش من نسخة قديمة.
من أي مكان: الربط على حسابك في المساعد، فتسأل من الكمبيوتر أو من تطبيق الموبايل اللي بيدعم الـconnectors — من غير ما تفتح لوحة التحكم.
بيعمل، مش بس بيقرا: توزيع، وتصحيح بيانات، وتأجيل، وتأكيد — بالصلاحيات اللي انت اخترتها.
بالعربي وبأسامي فريقك: بيفهم «هدى» و«هدي»، ولو الاسم مش واضح بيسألك.
نفس قواعد وي سيل: التأكيد من المساعد بيمر بنفس خطوات التأكيد من الشاشة — الخصم من الرصيد، والمخزون، والإرسال لشركة الشحن.

إيه اللي يقدر يعمله

الأرقام والفلوس

ملخص أي فترة: الأوردرات، والإيراد، والمتسلّم والمرتجع، يوم بيوم.
مسار الأوردر من الاستلام للتسليم، والأوردرات بتقع فين.
الفلوس اللي اتسوّت مع شركات الشحن، واللي لسه معاهم، وتفاصيل كل أوردر في التسوية — إزاي تقفل حساب شركة الشحن.
مصادر الإعلانات (UTM) ونسبة التسليم لكل مصدر، للأوردرات الجاية من شوبيفاي وإيزي أوردرز.

الأوردرات والشحن

البحث عن أوردر برقمه أو موبايل العميل أو اسمه أو حالته أو رد واتساب، وفتح الأوردر بالتفاصيل.
تتبع شحنة برقمها، واللي مع كل شركة شحن دلوقتي، ومقارنة أداء الشركات.
تاريخ العميل: استلم كام مرة ورفض كام — قبل ما تأكد أوردر دفع عند الاستلام.
إنشاء أوردر، وتصحيح الاسم والموبايل والعنوان والمبلغ، وتغيير الحالة (مؤجل، مفيش رد، مكرر، ملغي)، وتعليق للفريق.
تأكيد أوردر واحد أو لحد 200 أوردر مرة واحدة بعد معاينة.

الفريق والتوزيع

أداء كل موظف تأكيد، ويوم موظف معيّن بالترتيب.
مين ماسك كام أوردر مفتوح، ونقل الأوردرات المفتوحة من موظف لموظفين تانيين بالتساوي.
قواعد التوزيع التلقائي: مين بياخد الأوردرات الجديدة، وأنهي قاعدة شغالة فعلًا، وتعديلها — إدارة فريق التأكيد.

المنتجات والمخزون

البحث في المنتجات بالاسم أو الـSKU، والأكتر مبيعًا في أي فترة.
المخزون المتاح، والمنتجات اللي وصلت للحد الأدنى — إزاي مستويات المخزون بتشتغل.

إزاي تربطه

انسخ رابط الاتصال من وي سيل: «أدوات المطورين» ← «المساعد الذكي (MCP)». الرابط خاص بحسابك وشكله https://yourstore.wesell.world/mcp — ومكان yourstore اسم حسابك.
ضيفه في المساعد: في Claude من الإعدادات ← Connectors ← Add custom connector، وفي ChatGPT من إعدادات الـconnectors (التطبيقات) كـconnector مخصص — والصق الرابط.
سجّل دخول بحساب وي سيل لما يطلب منك — بحساب صاحب الحساب أو الأدمن.
راجع شاشة الموافقة واضغط «السماح بالوصول»: بتعرض اسم المساعد، والعنوان اللي هيرجعك له، وإيه اللي هيقدر يعمله. وخلاص — مفيش إعدادات بعد كده.

انت اللي بتحدد يقدر يعمل إيه

صاحب الحساب أو الأدمن بس هو اللي يقدر يربط مساعد. أي مستخدم تاني بيترفض.
القراءة أساسية، والباقي باختيارك: «إنشاء الأوردرات وتعديلها» و«تأكيد الأوردرات» صلاحيتين منفصلتين في شاشة الموافقة، وتقدر تشيل أي واحدة فيهم.
التأكيد لوحده صلاحية لأنه بيخصم من رصيدك ويبعت الأوردر للشحن. ممكن تدّي المساعد يصحّح عناوين من غير ما يقدر يشحن.
مايقدرش يعدّل حسابك: لا المستخدمين ولا الفواتير ولا بيانات الحساب — بأي صلاحية.
حدود ثابتة: الأوردر مايتأكدش من غير محافظة ومنطقة، وحالات الشحن والتسليم مايقدرش يغيّرها، والأوردرات المتأكدة مابتتنقلش بين الموظفين.
شايف مين مربوط: صفحة «المساعد الذكي (MCP)» بتعرض المساعدات المربوطة، وصلاحية كل واحد، وآخر مرة استُخدم.

أسئلة عن الربط بـChatGPT و Claude

يعني إيه MCP؟

MCP (Model Context Protocol) معيار مفتوح بيخلّي المساعدات الذكية زي ChatGPT و Claude تتكلم مع أنظمة تانية من خلال أدوات محددة. وي سيل عنده سيرفر MCP: لما تربطه، المساعد يقدر يقرا أرقامك ويعمل مهام على أوردراتك من خلال الأدوات دي بس، وبالصلاحيات اللي انت وافقت عليها.

محتاج أكتب كود أو أنسخ مفتاح API؟

لا. بتنسخ رابط واحد من وي سيل وتلزقه في المساعد، وتسجّل دخول وتوافق. مفيش مفتاح تنسخه ولا ملف إعدادات.

مين يقدر يربط المساعد؟

صاحب الحساب أو الأدمن بس. أي مستخدم تاني — موظف تأكيد أو مخزن أو بائع — بيترفض في شاشة الموافقة.

ممكن المساعد يأكد أوردرات من غير ما أعرف؟

التأكيد صلاحية منفصلة بتظهر لك في شاشة الموافقة، ولو شلت علامتها المساعد مايقدرش يأكد خالص. ولو سبتها، أداة التأكيد بتطلب من المساعد يقولك رقم الأوردر والمبلغ ويستنى موافقتك، والتأكيد الجماعي بيبدأ بمعاينة. لو مش محتاج التأكيد من المساعد، سيب الصلاحية دي مقفولة.

المساعد بيشوف داتا عملائي؟

بيشوف اللي بيحتاجه عشان يرد على سؤالك، من حسابك انت بس. خد بالك إن اللي المساعد بيقراه بيبقى جزء من المحادثة عند الشركة اللي بتقدّم المساعد (OpenAI أو Anthropic)، فعامله زي أي أداة خارجية بتستخدمها في شغلك.

محتاج اشتراك مدفوع في ChatGPT أو Claude؟

إضافة connector مخصص بتختلف حسب المساعد ونوع الاشتراك، والشروط دي بتتغير من وقت للتاني — راجع إعدادات حسابك في المساعد. من ناحية وي سيل، كل اللي محتاجه حساب صاحب الحساب أو أدمن.

عندي أكتر من بائع على الحساب، هيشوفهم كلهم؟

أيوة، الربط بيشمل كل البائعين عندك واللي هتضيفهم بعد كده، وشاشة الموافقة بتعرض أساميهم. وتقدر تسأل عن بائع واحد بالاسم في أي وقت.

بيفهم أسامي الموظفين بالعربي؟

أيوة. ولو الاسم ممكن يقصد أكتر من موظف (هدى / هدي مثلًا) أو مش لاقيه، المساعد بيسألك بدل ما يخمّن.

اسأل متجرك بدل ما تدوّر فيه

اربط متجرك وشركات الشحن بوي سيل، وبعدها اربط ChatGPT أو Claude برابط واحد من غير كود.

ابدأ دلوقتي اطلب عرض توضيحي على واتساب

اربط متجرك بـChatGPT و Claude — واسأل عن أوردراتك وأرقامك بالعربي